Vieiros

As autoridades irlandesas conduciron ao porto de Castel Town ao buque “Minchos Sétimo”, con base no porto de Celeiro (Viveiro) para unha “verificación” do seu labor de pesca, segundo confirmaron fontes do Ministerio de Medio Ambiente, Medio Rural e mariño.

A detención atende á “suposta violación pesqueira” por mor dos aparellos utilizados nestes caladoiros do Gran Sol, que segundo a Mariña irlandesa teñen unha abertura de malla por enriba da normativa estábel de 100 milímetros. Pola súa parte, o armador deféndese dicindo que co sistema de medición que se utiliza habitualmente cumpren a regulamentación, mais a Mariña irlandesa está a empregar un novidoso calibrador dixital, segundo o cal a malla tería uns tres milímetros menos do permitido.

O palangreiro saíu o pasado luns de Celeiro con 12 tripulantes, todos galegos, e atopábase faenando en augas comunitarias fronte a Irlanda.