Vieiros

A imaxinación non ten límites, os cartos si. Iso deberon pensar os creativos que idearon a campaña publicitaria da editorial Eichborn na pasada Feira do Libro de Frankfurt. A editorial lanzou 200 moscas vivas con cadanseu “banner” atado, que en poucos minutos se espallaron polo recinto feiral e provocaron todo tipo de reaccións agás a indiferenza. O máis molesto dos animais caseiros levou con éxito unha mensaxe con fama de molesta: a publicitaria.

En tempos de crise económica e cando todos os medios parecen xa máis que explorados a nivel publicitario, as empresas seguen a ensaiar métodos alternativos, aínda que sexa poñendo en risco a integridade de seres vivos.