Vieiros

O ano 2010 vai ser moi duro tanto económica como laboralmente, isto é polo menos o que prevé o Goberno nos seus orzamentos. O Consello da Xunta aprobou este xoves un orzamento de 11.686 millóns de euros para o vindeiro ano. Por vez primeira na historia da autonomía a previsión de gasto retrocede.

A razón, segundo o executivo, é que é preciso un orzamento “austero” para un ano difícil. As previsións oficiais son que o paro chegue ao 15% a finais de 2010. Esta cifra, aínda que case catro puntos menos cá previsión do resto do Estado Español, é preocupante se temos en conta que a principios de este verán o desemprego o desemprego non chegaba ao 13%.

Porén, Feijoo fixo especial fincapé no gasto social. O máximo mandatario galego sostén que, pese á grave crise, o gasto social aumenta case dous puntos con respecto ao ano pasado.