Vieiros

Oito anos, xa, dende aquel 25 de xullo de 2001 no que nacía Código Cero, revista en rede e en galego dedicada a informar da actualidade das novas tecnoloxías. O proxecto foi crecendo, profesionalizouse e comezou a editar unha publicación mensual, en papel, e de distribución gratuíta, e polo medio chegaron os recoñecementos, como o Galardón á Innovación Empresarial na categoría de Comunicación entregado pola Asociación de Enxeñeiros de Telecomunicacións de Galicia.

A edición dixital de Código Cero pasou xa por tres redeseños, e nas vindeiras semanas presentará o cuarto, co obxectivo de estimular a participación dos seus lectores. Noraboa aos seus promotores: Xosé María Fernández Pazos, Carlos Ballesteros Jiménez e Marcus Fernández Otero.