Vieiros

Axentes de policía detiveron tres persoas en Madrid, Sant Celoni (Barcelona) e Arteixo (A Coruña) e outra foi imputada en Ourense por tenza e distribución de pornografía infantil a través de Internet, segundo informou hoxe a Xefatura Superior de Policía de Madrid. Os axentes practicaron un total de catro rexistros domiciliarios nos que se interviu diverso material informático, así como grande cantidade de arquivos de contido pedófilo.

En concreto, a policía detivo tres persoas de 52, 56 e 63 anos, respectivamente, unha vez identificados os domicilios dende onde se estaban a distribuír os arquivos. Un dos detidos atopábase descargando arquivos con pornografía infantil no momento en que os axentes entraban no seu domicilio.