Vieiros

Segundo revelou esta semana o goberno de Nixeria, máis dun millón dos seus habitantes son cegos e outros 3,1 millóns teñen algún tipo de discapacidade visual. O país africano conta cunha poboación estimada de 148 millóns de persoas.

O informe, levado a cabo polo Ministerio de Sanidade entre 2005 e 2007, salienta que o uso de gafas resolvería por completo os problemas de visión no 50% dos casos, mentres a cirurxía poderíalle devolver a vista a outro 15%.

A diferencia entre os doentes que son homes e os que son mulleres non é salientábel, como tampouco o é a existente entre o medio rural e o urbano. Este último dato, confirma que os medios de prevención e de curación dos problemas oftalmolóxicos son igual de deficientes en todo o país.