Vieiros

"Unha forma de plantarse sería devolverlle competencias ao Estado", reflexionaba o conselleiro de Innovación e Empresa do goberno catalán este martes nunha entrevista con EFE que recollen varios medios. Segundo Huguet, "nós damos a cara pero os cartos non os está poñen quen os ten que poñer" no caso de transferencias competencias asumidas polas comunidades autónomas pero sobre as que o executivo español non garante o financiamento mínimo necesario.

Huguet xa se pronunciara nos últimos días ao respecto dos ministerios "residuais" que unha vez que as competencias están transferidas deberan ser "suprimidos". Puxo o exemplo co ministerio de Cultura, do que reprocha que teña agora máis funcionarios ca hai vinte e cinco anos, malia que se trata dunha competencia exclusiva dos gobernos autonómicos. Huguet insistiu así na necesidade de avanzar na reforma do financiamento autonómico.

Nunha conferencia recente, o conseller catalán sinalará tamén que o Estado debería reservarse só o 35% do gasto público, un 15% por baixo da porcentaxe defendida actualmente polo goberno español. O representante de ERC opina que de aí podería saír unha proposta de financiamento seria para os concellos que evitase que tivesen que botar man "dos impostos do ladrillo" para financiárense.