Vieiros

Teremos verán até o vindeiro 22 de setembro, 93 días nos que a maioría terá algún tempo de descanso, e no que se multiplicarán as festas, as viaxes á praia e as cancións do verán de A Polo Ghit.

Aínda que a festa de San Xoán (este luns 23) tradicionalmente se asocia á noite máis curta do ano, ese momento chegará esta fin de semana, mentres que o pasado sábado 14 de xuño foi o día no que o Sol saíu máis cedo, e o vindeiro 27 será o que se poña máis tarde.

Este sábado teremos ceos practicamente despexados durante toda a xornada, até a chegada de nubosidade pola noite; temperaturas mínimas en lixeiro descenso e máximas sen cambios significativos. Mañá domingo, en cambio, haberá ceos moi anubrados pola mañá con posibilidade dalgunha chuvia moi feble e ocasional; pola tarde alternaranse nubes e claros.