Vieiros

O xornalista Bob Woodward, o líder do Maio do 68 francés Daniel Cohn-Bendit e a Wikipedia figuran entre os vinte e catro candidaturas de doce nacionalidades que optan ao Premio Príncipe de Asturias de Comunicación e Humanidades 2008, que se fallará o mércores en Oviedo. Nas últimas edicións resultaron premiados Ryszard Kapuscinski e Gustavo Gutiérrez Merino, Hans Magnus Enzensberger, George Steiner, Umberto Eco, o Instituto Caro e Cuervo de Colombia, o xornalista Jean Daniel, os grandes centros culturais europeos, a National Geographic Society e as revistas científicas Science e Nature, que o obtiveron de xeito conxunto en 2007.

Segundo fontes próximas á Fundación que concede os galardóns, entre as propostas recibidas, ás que se poderán unir as que presenten os membros do xurado, están tamén as da axencia Magnum Photo, finalista en 2007; o buscador de internet Google; o correspondente xefe de Internacional de CNN, Christiane Amanpour, e o divulgador científico David Attenborough.

O xurado, que iniciará as súas deliberacións o martes, está integrado polo presidente de Onda Cero, Javier González Ferrari; a editora do diario ABC, Catalina Luca de Tena; o vicepresidente de Vocento, Enrique Ybarra; os xornalistas Jesús de la Serna, Pedro Páramo, José Luís Gutiérrez, Miguel Angel Liso e Rosa Montero. Tamén forman parte do mesmo o presidente da Axencia EFE, Álex Grijelmo; o escritor Manuel Lombardero; os editores Hans Meinke e Beatriz de Moura; o sacerdote Javier Gómez Custa; o ex comisario da Expo 92, Manuel Olivencia, o presidente de Telecinco, Alejandro Echevarría, e a conselleira de Administracións Públicas e portavoz do Goberno asturiano, Ana Rosa Migoya.

O cuarto galardón que se falla

Nas últimas edicións resultaron premiados Ryszard Kapuscinski e Gustavo Gutiérrez Merino, Hans Magnus Enzensberger, George Steiner, Umberto Eco, o Instituto Caro e Cuervo de Colombia, o xornalista Jean Daniel, os grandes centros culturais europeos, a National Geographic Society e as revistas científicas Science e Nature, que o obtiveron de xeito conxunto en 2007.

O galardón, dotado con 50.000 euros e a reprodución dunha figura deseñada por Joan Mirou, é o cuarto que se falla este ano tras os de Cooperación Internacional, que foi para catro organizacións que lideran a loita contra a malaria en África, e Artes, que recaeu no Sistema de Orquestras Xuvenís e Infantís de Venezuela.

A pasada semana cinco dos investigadores que lideran a nivel mundial os estudos sobre a aplicación dos novos materiais na ciencia foron distinguidos co Premio de Investigación Científica e Técnica.