Vieiros

Diversos grupos políticos municipais teñen criticado ó procedemento que se está a seguir para establecer a distribución dos postos do novo mercado de abastos da Madalena. Segundo algúns grupos da oposición, a distribución dos postos é tarefa que lle compete ó goberno local, xa que logo, o mercado é de titularidade municipal. A proposta presentada, aínda está suxeita a novas modificacións, e logo de que a aproben os vendedores do mercado, debe ser aprobada oficialmente pola Comisión de Goberno do Concello de Ferrol.

Se non xurden complicacións de última hora, as obras do mércado poderían finalizar no mes de maio, data comprometida pola empresa ACS encargada da construcción desta instalación. O Proxecto inicial podería sufrir algunha modificación se prosperan as conversas que dende o Concello se manteñen coa diocese de Mondoñedo-Ferrol co obxecto de modificar a Praza de San Xiao, co fin de recuperar un antigo deseño desa praza. Esta reforma sobre o proxecto inicial permitiría ademáis modificar e ampliar a saida do aparcamento subterraneo construido nos baixos do novo mercado municipal.