Vieiros

O socialista José Luís Rodríguez Zapatero presidirá o goberno español até 2012. Zapatero foi investido este venres en segunda volta con maioría simple (169 votos a favor, 158 en contra e 23 abstencións). Ao igual que o pasado martes, os sufraxios contra a investidura viñeron dende as bancadas do PP, ERC e UpyD. As diferentes forzas nacionalistas (entre ellas o BNG) e IU optaron pola abstencións

Consciente de que non vai ser doado xestionar unha lexislatura con maioría relativa no parlamento, Rodríguez Zapatero volveu repetir que está aberto ao diálogo. O propio voceiro dos socialistas españois, José Antonio Alonso, sinalou que o seu partido interpreta as abstencións como unha “porta aberta” para chegar a acordos puntuais con diferentes formacións ao longo da lexislatura”. Aínda así, o propio Zapatero non descartou a posibilidade de seguir traballando a prol dun pacto estábel que garanta a gobernabilidade ao longo de toda a lexisltura.