Vieiros

Investigadores americanos afirman ter descuberto as bases moleculares canceríxenas causadas polo fume do tabaco. Este traballo, realizado baixo a dirección de Tzipora Goldkorn (departamento de medicina interno, Universidade de California), é obxecto dunha publicación no número de marzo do estudo da Federación das sociedades americanas de bioloxía experimental (Faseb).

Segundo os seus autores, o estudo podería conducir á creación de cigarros menos tóxicos e, se cadra, a abrir novas pistas terapeúticas fronte aos cancros broncopulmonares debidos ao consumo de tabaco.

Os investigadores californianos realizaron o seu traballo sobre un modelo "in vitro" de células pulmonares humanas. Expuxeron estas células aos distintos compostos tóxicos contidos no fume inhalado. Expuxeron en paralelo outras células a un só destes compostos, o peróxido de hidróxeno, coñecido polas as súas propiedades oxidantes. Despois da posta en incubación e análise das transformacións inducidas por estas manipulacións, os investigadores afirman, nos dous casos, ter atopado a base molecular dun proceso de transformación canceríxeno.