Vieiros

Á metade dos galegos perségueos a cultura, pero eles corren máis. O índice de lectura en Galiza, que indica a proporción de persoas que le con frecuencia, ficou en 2007 nun 51,2%, máis de cinco puntos por baixo da media do Estado (56,9%) e só por diante da de Extremadura. En Madrid (65%), Cataluña (59,3%), Canarias (58,7%), Asturias (58,4%), Aragón (58,2%), Euskadi (57,4%) e Baleares (57,0%) lese por riba da media. O estudo foi publicado pola Federación de Gremios de Editores de España.

Galiza baixa a súa media lectora con respecto ao pasado ano, cando chegaba ao 53% e superaba a comunidades autónomas que agora figuran por diante, como Castela e León, Andalucía, Asturias, Castela a Mancha, ademais de a Extremadura.