Vieiros

Efectivos de Protección Civil e da Garda Civil ultiman o dispositivo para continuar coa busca de J.A.R., de 60 anos de idade, que desapareceu esta madrugada no río Miño cando pescaba meixón, á altura da zona de Tabagón, no municipio do Rosal.

Segundo confirmaron a Europa Press fontes da Garda Civil, foron outros pescadores os que deron a alerta ao Servizo 112 arredor das 4.00 horas desta madrugada, tras presenciar como, debido ao mal tempo, a embarcación na que faenaba J.A.R. envorcaba e este desaparecía no río.