Vieiros

Batallas de pixels, prezos en caída libre, pantallas máis grandes: os fabricantes de aparellos numéricos rivalizaron en enxeño para seducir aos consumidores no Salón da Foto en París. Aínda que moitos dos fogares están xa equipados con tecnoloxía moderna, os profesionais contan coa renovación do material dos consumidores e coa baixada dos prezos para seducir aos clientes máis tradicionais.

Para desmarcarse, certos fabricantes propoñen características funcionais innovadoras. Samsung, por exemplo, concibiu un retardador que unicamente se pon en marcha cando o suxeito está inmóbil diante do obxectivo, grazas a un detector de movemento. Outros, como Nikon, Kodak ou Fujifilm, propón a posta a punto sobre varias caras, que permite facer fotos de grupos impecables. En Sony, o novo Cyber-Shot ponse en marcha cando detecta un sorriso na cara.