Vieiros

Dez mil exemplares do relato ‘O Encalatro’ de Eduardo Blanco Amor serán entregados este luns os usuarios dos trens galegos para celebrar o Día Mundial do Libro. Esta iniciativa, posta en marcha por Renfe e pola Consellería de Cultura, tamén ten previsto ademais repartir mil copias dunha edición especial coas obras gañadores e os finalistas na categoría de contos e poesía da última edición dos ‘Premios do Tren’.

A obra de Eduardo Blanco Amor é parte da colección titulada 'Estación literatura-contos do tren' que puxo en marcha a Consellería de Cultura, a través da Dirección Xeral de Creación e Difusión Cultural. Nesta liña, a Xunta ten previsto que nos próximos meses se vaian editando distintos relatos de autores galegos, que terán como elemento común o mundo do ferrocarril.