Vieiros

A reunión entre os dous mandatarios celebrouse no Pazo de Raxoi. Ao remate da mesma Touriño e Pereira Neves comprometéronse a traballar para que as relacións entre os dous países aumenten nos vindeiros anos. O primeiro ministro caboverdiano deixou claro que o seu país está aberto ao empresariado galego. Tamén salientou as diferentes oportunidades de negocio que se abren coa modernización das infraestruturas, as finanzas, o turismo e a pesca.

Tamén se avanzou no acordo para establecer no porto caboverdiano de Mindelo unha base loxística que deas servizo aos buques galegos que faenan nas augas daquel país. O obxectivo último é mellorar as condicións de carga e descarga. Pola súa parte, Touriño avanzou que Galiza vai pór en marcha un programa de colaboración para formar inspectores pesqueiros no estado africano.