Vieiros

O actual primeiro ministro de Estonia, Andrus Ansip, foi un dos que elixiron esta opción para facer efectivo o seu dereito ao voto. Segundo datos da Comisión Electoral Central de Estonia, o 3% do censo electoral elixiu os seus candidatos a través dun portal en internet habilitado especialmente para a ocasión.

Para utilizar o sistema, os cidadáns necesitan un ordenador dotado dun lector electrónico de datos que poida ler o documento de identidade, unha contrasinal e unha sinatura electrónica.

Aínda así, a última opción está sempre nos colexios electorais tradicionais xa que os que elixiron a opción de internet poden "recapacitar" e utilizar as papeletas tradicionais. Nese caso, o voto electrónico queda anulado.

Nestes innovadores comicios o Partido de Centro podería facerse co poder e nomear o seu líder, Edgar Savissar, primeiro ministro. Porén, as últimas enquisas sinalan que a coalición encabezada polo Partido das Reformas lograría outra vez reeditar o seu triunfo de hai catro anos.

Estas son as primeiras eleccións parlamentarias que se realizan na república desde a súa entrada na Unión Europea e na OTAN no 2004. Un dos seus obxectivos e entrar na zona euro, aínda que por mor da inflación non o conseguirán como mínimo até 2010.