Vieiros

Logo de que se lles chafara a xolda o ano pasado polo mal tempo, os alumnos da Escola de Telecomunicacións de Vigo afrontan con ilusións renovadas unha nova xornada na honra do seu patrón, San Teleco, unha das festas universitarias máis concorridas de Galiza. A semana de actividades de lecer (campionatos de mus, torneos de xogos de ordenador, o clube da comedia de Teleco...) culmina o 5 de novembro, con concertos e festa grande no Cuvi, durante o día; e na zona de Churruca, pola noite.